Молитва старца Нектария Оптинского
Господи, Иисусе Христе, Сыне Божий, грядый судити живых и мертвых, помилуй нас, грешных, прости грехопадения всей нашей жизни, и ими же веси судьбами сокрый нас от лица антихриста в сокровенной пустыне спасения Твоего.
Молитва преподобного Анатолия Оптинского
Избави мя, Господи, от обольщения богомерзкого и злохитрого антихриста, близгрядущего, и укрой меня от сетей его в сокровенной пустыне Твоего спасения. Даждь ми, Господи, крепость и мужество твердаго исповедания имени Твоего святого, да не отступлю страха ради дьявольского, да не отрекусь от Тебя, Спасителя и Искупителя моего, от Святой Твоей Церкви. Но даждь мне, Господи, день и ночь плач и слезы о грехах моих, и пощади мя, Господи, в час Страшного Суда Твоего. Аминь.
Молитва святого праведного Иоанна Кронштадского
Господи, Ты Судия земли, Ты не любишь неправду, услыши молитву мою недостойную и пошли силу Твою и пошли помощь Твою там, где встретят меня враги видимые и невидимые, и чтобы стали столпы на месте том, где их встретит сила Твоя. Аминь.
Молитва ко Пресвятой Богородице
О, Всемилостивая Владычице, Царице Небесная, Пресвятая Богородице! Вем вся грехи моя и нечестия сердца моего, и како дерзну к Тебе прибегати недостойный аз и прошения моя приносити; но вем и великия милости и щедроты Твоя, яже на христианский род выну изливаеши: Ты бо еси грешников споручница и помощь. Ты веси, Пречистая Мати, Дево Богородице, скорбь сердца моего и печаль души моея. Молюся убо Тебе усердно: вся скорбная, яже, по благой и святой воле Господа нашего Иисуса Христа, наидоша на мя, имиже веси судьбами, устрой о мне во благое; аще ли же от врага души моея уязвления сия содеяшася, всесильною Твоею помощию сокруши его коварства и от нечестивых прилог его избави душу мою. Тебе бо вся возможна суть, преисполненней всякия милости и благостыни, яко Ты еси препрославлена вовеки. Аминь.
(Святитель Димитрий Ростовский, Псалтырь Божией Матери, кафизма 12).
Молитва от антихриста схиигумена Саввы (Остапенко).
Господи Иисусе Христе, Сыне Божий, избави от обольщения близ грядущего, богомерзкого, злохитрого антихриста, и избави от всех козней его, и укрой всех нас, духовных чад отца нашего духовного старца схиигумена Саввы и вся ближния христианы, от коварных сетей его в сокровенной пустыне Твоего спасения, и не дай нам, Господи, убояться страха диавольского паче страха Божия и не отступить от Тебя и от Святой Церкви Твоей, но даждь нам лучше, Господи, пострадать и умереть за имя Твое святое и веру православную, но не отречься от Тебя и не принять печати проклятого антихриста и не поклониться ему. Даждь нам, Господи, день и ночь плач и слезы о грехах наших и пощади нас, Господи, в день Страшного Суда Твоего. Аминь.
Господи Иисусе Христе, Сыне Божий, помилуй нас, грешных. Аминь.
(Из полного собрания проповедей и поучений схиигумена Саввы (Остапенко)).
